متاح الان وظاااااائف شركة العربي فى اكتر من تخصص

أغلب الأسئله اللي بتتسأل دلوقتي:-

1-الإمتحان في البيت ولا لأ؟!
اه الإمتحان ف البيت وبالنسبة لأولى ثانوي فهيمتحنوا تجريبي ف 5 أبريل وتانية مش هيمتحنوا معاهم

2-الإمتحان لحد فين؟!
-الامتحانق علي اللي درسناه لحد يوم 15مارس

3- هي الأكواد بتاعت الإمتحان نزلت ولا لسه؟!
-لا الأكواد لسه منزلتش كل ماده ليها كود وهينزل لما الإمتحانات تبقي تتعمل وأما هينزل في المدرسة أو هينزلوه في موقع بردو

4-أومال ايه الكود اللي نزل دا؟!
-الكود دا هو ال username بتاعك عند الوزارة ومختلف وكل واحد ليه كوده ومفيش حد شبه التاني وهو دا الكود اللي هتدخل بيه عالمنصة ومينفعش يكون مع حد غيرك بكرر تاني مينفعش يكون مع حد غيرك والكود دا هو نفسه اللي معاك من الأول ومتغيرش والوزارة نزلته عشان الناس اللي ضايع منها أو مستلمهوش يجيبوه من الموقع بدل ميروحو المدرسه ويعملوا إزدحام

5-هو أنا لو محدثتش التاب فيها خطر أو هو أنا لو ***ت التاب مش هعرف امتحن؟!
- قولت قبل كدا وهقول تاني أنت كل اللي محتاجه أيه smart phone عشان تمتحن سواء التاب مت*** او لا سواء حتي بالفون او باي جهاز بيدخل علي google chrome بس بردو مفيهاش حاجه لو نزلت التحديث مش صعبه

6-هو أزاي أشحن الشريحة او أزاي أظهر الرقم لو مش معاك؟!
-هتحط الشريحه في أي فون عادي وهتتصل علي #688* وهيظهرلك الرقم وهتروح أي سنترال تحول ب 10جنية رصيد عالرقم

7- بيظهرلي الشريحه غير مدعومة اعمل أيه ؟!
- أنت لا محتاج تروح شركة ولا محتاج تغير الشريحة كل اللي هتعمله إنك هتمشي عالخطوات دي بالترتيب وهيشتغل معاك بإذن الله
1/هتروح تحول رصيد ب 10جنيه للشريحه
2/ هتدخل علي برنامج Sim toolkit اللي متثبت عالتاب
3/ هتختار Roamingservices
4/هتختار selekt mode
5/ لو كانت النجمه علي Automatic* كدا هتختار Manual وبعدها تختار National
اما لو كانت النجمه علي Manual* كدا هتخليها علي Automatic
6/هتقفل التاب وتفتح تاني والشريحة هتشتغل

8- بشغل الداتا ومش بتفتح اعمل أيه ؟!
-هتحول رصيد ب 10 جنيه وهتمشي عالخطوات دي
1/هتفتح الإعدادات (settings)
2/هتختار الإتصالات (connections)
3/هتختار شبكات الهواتف المحمولة (Mobile networks)
4/هتختار أسماء نقاط الوصول(Access point Names)
5/هتختار إضافه (Add)
6/هتكتب ف الاسم:- TE Internet
وهتكتب ف الAPN:-
Internet.te.eg
7/هتتغط عالنقط اللي فوق وتعمل حفظ (save)
8/هتفعل الأسم دا وتخلي الدائره اللي جنبه زرقا
9/تقفل التاب وتفتحه تاني والداتا هتفتح معاك عادي

9-لو أنا كنت مت*** التاب وعاوز أرجعه للوزارة اعمل أيه ؟!
-هتعمل إعاده ضبط مصنع وتسيبه يحمل وهو هيرجع للوزارة لوحده

10- أيه برنامج Edmodo دا؟!
دا موقع تعليمي بتحضر عليه شرح لايف للمدرسين عشان المذاكرة وبتعمل تسجيل دخول باكونت جوجل عادي وبتشوف أنت عاوز تحضر لأي مدرس وبتاخد منه الكود بتاعه لأن لكل مدرس كود وتدخل تحضر لايف زي نون اكادمي كدا

11- الشريحه بتاعتي ضاعت أعمل أيه ؟
- هتاخد الورق اللي أستلمت الشريحة بيه من المدرسة وهتروح لأقرب فرع we وهتستلم غيرها ومن غير ما تدفع فلوس

12- أنا حدثت التاب ولسه مفتحش عندي جوجل أعمل أيه ؟!
-شوف زمايلك من نفس المحافظة لو فتح عندهم يبقي هيفتح عندك وكلها مسالة وقت ولو مفتحش يبقي الوزارة لسه مفعلتهوش في محافظتك وبردو هيفتح وللتأكيد مثلا عندي فتح من أول ماالوزارة فتحته ومن غير محدث التاب وعند صديقي لسه فاتح النهاردة بعد محدثت التاب فهيفتح متقلقش

13-الأكواد هتبقي نفسها بتاعت الترم الأول ولا لأ والإمتحانات هتبقي شبه بعض ولا لكل واحد إمتحان ؟!
- أولا الأكواد له منزلتش ومحدش يعرف هتبقي نفسها بتاعت الترم الأول وألا هتتغير وأي واحد هيقول أي كلام يبقي بيهبد
وثانيا الإمتحان بيبقي له 3 نماذج وبتتوزع بتلت أكواد ممكن كودك يبقي نفس كود زميلك بس ترتيب الأسئله مختلف وممكن الكود يبقي مختلف والإمتحان كله مختلف

13- هو فعلا الكاميرات هتتفتح وهنبقي متراقبين من الوزاره؟!
- مفيش قرار رسمي وأي حد هيقول اه قوله انت بتهبد تمام

14- هو أنا ممكن أنا وأصحابي نمتحن ف نفس البيت؟!
أولا الموضوع يعود لمبدئك أنت لو كنت قابل إنك تحل في تجمع و كورونا بقا وتعب وقرف ومن ناحيه تانيه الإنترنت اللي هتمتحنوا عليه دا مش هيتحمل الضغط لأ كتر من تابلت والإمتحان هيعلق معاك أنت وأصحابك وتخرج والوقت يعدي ومتعرفش تدخل وهوبا تلاقي نفسك ملحق يبقا ليييييييييه الأفضل تمتحن في بيتك معزز مكرم

15-أزاي أحدث التاب؟!
1/هتدخل علي الإعدادات (settings)
2/هتختار تحديث البرامج(software update)
3/هتختار تنزيل التحديثات يدويا ( Dawnload updates manually)
4/هيبدأ يبحث عن تحديثات وهيجيلك أشعار بالموافقة هتوافق وبكدا التاب هيتحدث

16- هو أنا ممكن امتحن علي واي فاي البيت ولا لازم اشحن الشريحه؟!
واي فاي البيت لو كويس امتحن عليه عادي معندكش وايفاي أشحن الشريحة وامتحن شيل الشريحة خالص وحط شريحة من عندك فيها رصيد المهم أن التاب يوصله نت وهتمتحن

17-طيب أنا عندي مواقع الوزارة كلها مقفولة مش بتتفتح اللي هو بنك المعرفه والبرامج التانيه أعمل إيه ؟! هتدخل علي ال knox وهتدخل علي التلات اشرط اللي جنب بعض عالشمال فوق وهتدخل علي. Dawnload configuration وتعمل delete ليهم كلهم وترجع تعمل install تاني وهيفتحوا معاك